కనుల కలముకు కవనమొస్తే
తమ కదలికలు కవిత రాస్తే
కళలు ఒదిగిన కలల లిపిలో
నవ మధుర సాహితీ సౌరభాలు
ఘన తెనుగు తేనెల సాగరాలు
కలగలిపి నిలిపిన కలువ పువ్వుకు
వన్నెలు గొలిపే వెన్నెల వోలె
నవ కవిని నేనై కవి కులంలో
భువిని విరివిగా విస్తరిస్తాను
హేమంతపు హిమిక నేనై నింగి గప్పి
వసంతాన వాసంతమై గొంతు విప్పి
రెల్లు ఒడిలో చల్లగా చిరుజల్లు నేనై మురిసి
ఆకసమ్మును అల్లగా హరివిల్లు నేనై మెరిసి
ప్రకృతిలో తన ప్రతి కృతిలో నే భాగమౌతాను
ప్రతీక నేనై ప్రపంచ నాడికి పాటగా పల్లవిస్తాను
No comments:
Post a Comment