సాగిపోరా ఏరు లాగా సాధించనిదింకేముంది?
తీరమున్నది దూరమైనా ధైర్యమన్నది నీకుంది
దూసుకెళ్ళు దారిలోన రాతి దెబ్బలు తగిలినా
దూకివెళ్ళు ఎత్తు పల్లాలెన్ని ఎదురుగ నిలిచినా
కార్యదీక్షలో కంట నీరైనా కంఠ దాహాన్ని తీర్చలేదా?
కదన రంగాన నువ్వు రాల్చే రుధిరమే సింధూరమవదా?
నిజాయితీ,నిస్వార్థత లను నమ్మి నువ్వు చూడు
నింగి,నేల,నిప్పు,గాలులు నిలుస్తాయి నీ తోడు
ఊహకి తెలియని దేవుడు చాటుతాడు ఉనికి
ఉన్నానని తెలిపేందుకు ఉరటగా మనకి
No comments:
Post a Comment