అన్నదాత

ఆకలెరుగదు సృష్టి అసలీ కష్ట జీవే ఉండు వరకు
అ కలి శపియించెనేమో కూడు లేదీ కర్షకునకు
పుడమి తల్లికి పుట్టలేదో?ప్రేమ నీ పై చూపదో?
పడిన కష్టం పరులకే, పస్తు మాత్రం మిగిలెనో?
సన్నగిల్లి, సొమ్మసిల్లి నీ చెమటనే చిందిస్తివో?
మండుటెండన మట్టి తడిపి మెతుకునే పుట్టిస్తివో?
నలుగురాకలిని తీర్చ నాగలిని నువ్ చేపడితివో?
విధి జాలమో,విపరీతమో అదే గుండెపై శూలమో?
పోని ఈ కలి గాలినీ,పోనివ్వనీ పెను గాలినీ !
రాని ఆ చిరుగాలినీ,నీ సేద తీర్చే సంజ్ఞని !!
నేల తల్లి మొరలు నల్ల మబ్బును కదిలించునులే !
ఉరిమి,మెరిసి మేఘమాల ఊరట కురిపించునులే !!
ఆకసము మొదలీ అవని వరకా వాన వంతెన వేయులే !
ఝారా ఝారా సిరి హరిత సరితై చేరి ఇలను వరించులే !!
శుభములే చేకూరులే,సుఖ ఘడియలే సిద్ధించులే !
రైతే రారాజను నినాదం దిగ్దిగంతముల మ్రోగులే !!